الناصريه وكلاكيت تانى مره فساد

البرلمان المصرى فى العهد الملكى ( الفاسد ) ...
اعضاء البرلمان المصري يستمعون الي خطبة مصطفي النحاس باشا عام 1930
Egyptian Parliament Members listening to Mustafa Elnahhas pash's speech in 1930

النكسجيه زمان وصفوا عصر الديمقراطيه الحقيقيه والنهضه العلميه والثقافيه والزراعيه والاقتصاديه بالفساد ونهبوا ثروات البلد بالتأميم ووزعها المهزوم تاريخآ وجغرافيا على المقاطيع فحول الشعب المصرى لتنابله السلطان الفلاح اللى كان بيصحى من الفجر وكل الجمعيه الزراعيه تفلح له الارض والعامل اللى كان بيشتغل ليل نهار بقى عضو مجلس اداره غير قابل للفصل والموظف الحكومى بقى الحاكم بأمره وبقول للتخين فوت علينا بكره ياسيد وسرقوا الادباء والفنانين نتاج العصر الملكى ونسبوهم للستينات وقالوا انهم عملوا نهضه وقالو ان التعليم كان طفره وتجاهلوا أن مدرسيهم كانو نتاج  العهد الملكى لكن مدرسين عصر السادات ومبارك كانو نتاج عصر النكسجى وتلاميذهم بعد كده نتاجهم الفاسد والموكوس خد فلوسنا يعمل بها انقلابات ومؤامرات وثورات علشان يبقى زعيم فى اليمن فى الكونغو فى سوريا فى العراق فى لبنان تاريخ اسود من التدخل فى شؤن الاخرين بدعوى الزعامه وانتهت بوكستين 56و67 وضاعت فلوسنا 

اليوم تظهر الموجه الثانيه من النكسجيه تستولى على نتاج 40 عام من الحرب لاستعاده كرامه مصر فيحاولوا سرقه انتصارها الوحيد ويجلسوا يتباهو به وهم يحطموا رموزه ويعلو من مهزوميهم امثال القائد المهزوم الوحيد فى 6أكتوبر الشاذلى وسرقوا احطياطياته وصناديقه واموال بنوكه وفائض التسليح من القوات المسلحه وفوقهم اموال الشعب لينفوقوها على اوهامهم التى يضحكوا بها على الشعب قناه سويس جديده وعاصمه اداريه جديده  هذا تحت شعار 40 سنه فساد مره اخرى انتبهوا الهزيمه الثالثه قادمه وربنا يسترها على مصر